МОЛИТВЫ, КОТОРЫЕ  ЗНАЕТ КАЗАК

 

Молитва Господня


О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги наша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Песнь Пресвятой Богородице


Богоро́дице Де́во, ра́дуйся, Благода́тная Мари́е, Госпо́дь с Тобо́ю; благослове́на Ты в жена́х и благослове́н плод чре́ва Твоего́, я́ко Спа́са родила́ еси́ душ на́ших.

Молитва ко Пресвятой Троице

 

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

 

Го́споди, поми́луй. (Трижды). 


Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.


Символ веры

 

Ве́рую во еди́наго Бо́га Отца́, Вседержи́теля, Творца́ не́бу и земли́, ви́димым же всем и неви́димым.

И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша.

Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася.

Распя́таго же за ны при Понти́йстем Пила́те, и страда́вша, и погребе́нна.

И воскре́сшаго в тре́тий день по Писа́нием.

И возше́дшаго на небеса́, и седя́ща одесну́ю Отца́.

И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́.

И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки.

Во еди́ну Святу́ю, Собо́рную и Апо́стольскую Це́рковь.

Испове́дую еди́но креще́ние во оставле́ние грехо́в.

Ча́ю воскресе́ния ме́ртвых, и жи́зни бу́дущаго ве́ка. Ами́нь.



Молитва Святому Духу

 

 

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бл́аже, ду́ши на́ша.

.

 

Призывание помощи Духа Святого на всякое доброе дело

 

Тво́рче и́ Созда́телю вся́ческих Бо́же, дела́ рýк на́ших к сла́ве Твое́й начина́емая, Твои́м благослове́нием спе́шно испра́ви, и́ на́с о́т вся́кого зла́ изба́ви, я́ко еди́н всеси́лен и́ Человеколю́бец.

Тропарь Кресту и молитва за Отечество


Спаси́, Го́споди, лю́ди Твоя́, и благослови́ достоя́ние Твое́, побе́ды на сопроти́вныя да́руя, и Твое́ сохраня́я Кресто́м Твои́м жи́тельство.

Псалом 90

Живы́й в пóмощи вы́шняго, въ крóве Бóга небéснаго водвори́т­ся, речéт Гóсподеви: застýпникъ мóй еси́ и при­­бéжище моé, Бóг мóй, и уповáю на негó. Я́ко тóй избáвит тя́ от­ сéти лóвчи и от­ словесé мятéжна: плещмá сво­и́ма осени́тъ тя́, и под крилé егó надéешися: орýжиемъ обы́детъ тя́ и́стина егó. Не убо­и́шися от­ стрáха нощнáго, от­ стрелы́ летя́щия во дни́, от­ вéщи во тмé преходя́щия, от­ сря́ща и бéса полýден­наго. Падéт от­ страны́ тво­ея́ ты́сяща, и тмá одеснýю тебé, к тебé же не при­­бли́жит­ся: обáче очи́ма тво­и́ма смóтриши и воз­дая́ние грéшников ýзриши. Я́ко ты́, Гóсподи, уповáние моé: вы́шняго положи́л еси́ при­­бéжище твоé. Не прии́детъ къ тебé злó, и рáна не при­­бли́жит­ся телеси́ тво­емý: я́ко áнгелом сво­и́м заповéсть о тебé, сохрани́ти тя́ во всéх путéх тво­и́х. На рукáх вóзмут тя́, да не когдá преткнéши о кáмень нóгу твою́: на áспида и васили́ска настýпиши, и поперéши львá и зми́я. Я́ко на мя́ уповá, и избáвлю и́: покры́ю и́, я́ко познá и́мя моé. Воззовéтъ ко мнé, и услы́шу егó: с ни́м éсмь в скóрби, измý егó и прослáвлю егó: долготóю дни́й испóлню егó и явлю́ емý спасéние моé.



Молитва Кресту

 

Да воскре́снет Бог, и расточа́тся врази́ Его́, и да бежа́т от лица́ Его́ ненави́дящии Его́. Я́ко исчеза́ет дым, да исче́знут; я́ко та́ет воск от лица огня́, та́ко да поги́бнут бе́си от лица́ лю́бящих Бо́га и зна́менующихся кре́стным зна́мением, и в весе́лии глаго́лющих: ра́дуйся, Пречестны́й и Животворя́щий Кре́сте Госпо́день, прогоня́яй бе́сы си́лою на тебе́ пропя́таго Го́спода на́шего Иису́са Христа́, во ад сше́дшаго и попра́вшего си́лу диа́волю, и дарова́вшаго нам тебе́ Крест Свой Честны́й на прогна́ние вся́каго супоста́та. О, Пречестны́й и Животворя́щий Кре́сте Госпо́день! Помога́й ми со Свято́ю Госпоже́ю Де́вою Богоро́дицею и со все́ми святы́ми во ве́ки. Ами́нь.


Ежедневная молитва защитника Отечества


Влады́ко Го́споди, Ты́ сподо́бил меня́ недосто́йного и́ гре́шного служи́ть мое́й Ро́дине, выполня́ть до́лг защи́тника Оте́чества! Полага́юсь все́м свои́м существо́м, се́рдцем и́ дýхом на́ святýю во́лю Твою́. Молю́ Тебя, Человеколю́бче Го́споди, что́бы рука́ моя́ и́ орýжие бы́ли напра́влены на́ пра́вое де́ло, и́ что́бы не́ ста́ть мне́, стра́стному и́ гре́шному, орýдием зла́ и́ непра́вды. Все́ ниспо́сланное Тобо́й научи́ принима́ть с терпе́нием и́ кро́тостью, и́бо я́ челове́к не́мощный и́ сла́бый, несýщий кре́ст служе́ния среди́ подо́бных мне́, но́ Ты́ еди́нственно мо́жешь воспо́лнить на́ше недосто́инство, всели́ть да́р мудрости и́ смире́ния, и́, наипа́че, велича́йший да́р любви́ к своемý бли́жнему. Молю́ Тебя́ упра́вить меня́ во́ все́м време́ни да́нного мне́ служе́ния, во́ все́х испыта́ниях, тя́готах и́ опа́сностях, кото́рые вы́падут мне́ на до́лю. Да́руй мне́ благополýчно прейти́ и́х, и́ це́лым, и́ здра́вым, возврати́ться домо́й. И́бо Тебе́ принадлежи́т ми́лость и́ спасе́ние, и́ Тебе́ сла́ву воссыла́ю, Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Основы Православной Веры
Основы Православной Веры
Основы Православной Веры